ASK står for alternativ og supplerande kommunikasjon. Barn som heilt eller delvis manglar funksjonell tale, har rett til å bruka ASK, samt få opplæring i å bruka det. Fleire av barna me jobbar med i barnehage og skule har behov for ASK. Me ynskjer å oppretta eit ASK-nettverk der me kan få fagleg påfyll, skapa relasjonar og dela erfaringar.

Les programmet som pdf-fil her: Invitasjon til ASK-nettverk 17.01.2024

Målgruppe: Tilsette i barnehage og skule, PPT-tilsette og andre som finn nettverket relevant

Stad: Høgskulen på Vestlandet, campus Sogndal. Klasserom 02-15 i 2.etg Stadionbygget. Sjå kart her: kart-over-campus-sogndal.jpg (7680×4320) (hvl.no)

Tidspunkt: Onsdag 17.januar 2024 kl 12.30-15.30 (ettermiddagssamling). Det faglege startar kl 13.

Deltakaravgift: Kurset vert dekka av regionale utviklingsmidlar innan «Kompetanseløftet»

Lunsj: Servering av lunsj og kaffi/te frå kl 12.30. Meld frå om evt. allergiar under merknadsfeltet i påmeldinga.

Program for halvdagssamlinga:

12.30- 13.00: Lunsjservering i klasserommet, mingling..

13.00- 15.15: På denne første samlinga vil de få ei grunnleggande innføring i kva ASK er, kven som har behov for det, ulike kommunikasjonsløysingar, litt om språkmiljø og praktisk bruk. Me vil òg bruka litt tid på å finne ut kva de ynskjer meir påfyll av framover, og i korleis form de ynskjer at nettverket skal fungere. Me legg inn små pausar undervegs.

15.15- 15.30: Oppsummering i plenum og evaluering

Nettverksansvarleg for samlinga:

Lene Foss Dalaker, Sogn PPT Lene.Foss.Dalaker@sogndal.kommune.no

Påmeldingsfrist: Onsdag 10.januar kl 23

Velkommen til dette nyoppretta nettverket! Me er glad for å kunne tilby dette!

Beste helsing frå

Lene Foss Dalaker                                                                        Ingrid Steine Bortne

Nettverksansvarleg                                                                       Programleiar barnehage- og skuleutvikling