
Webinar nr 3 – språkforstyrringar og fleirspråklegheit ved Statped
23/01/2024, kl. 13:30 - 15:30
GratisPå vegne av Kompetanseløftet i Sogn – ei satsing mellom Sogn regionråd (System for styrka læring), HVL og Statped er det med stor glede me kan ynskje velkommen til ei kursrekke på tre webinar hausten og vinteren 2023/24. Sjå invitasjon med informasjon og videohelsing her: Kompetanseløft Sogn – Språkforstyrringar og fleirspråklegheit – Invitasjon til webinar
Tema for webinara er «språkforstyrringar og fleirspråklegheit» og fagleg ansvarleg er Statped avdeling språk og tale. Kursrekka høver for alle som jobbar med dette temaet i barnehage, grunnskule, VGS, vaksenopplæring, PPT og andre samarbeidspartar. Ein treng ikkje sjå alle tre webinar for å få utbytte, men me vil sjølvsagt anbefale det.
Dato for webinar:
-26.oktober 2023 kl 13.30-15.30. Innlogging frå kl 13.15 via lenkje her
-28.november 2023 kl 13.30-15.30. Innlogging frå kl 13.15 via lenkje her
-23.januar 2024 kl 13.30-15.30. Innlogging frå kl 13.15 via lenkje her
Tema for webinar 23.januar:
Fleirspråklegheit og språkforstyrringar
- Fleirspråklegheit – omgrepsavklaring
- «Fleirspråkleg utvikling» vs. språkforstyrringar
- Prinsipp for kartlegging
- Ulike typar kartleggingsverktøy, eksempel
- Prinsipp for tiltak
- Ulike typar tiltak, eksempel
Me vil anbefale så mange som mogeleg å sjå sendinga «live» for å kunne påverke med spørsmål og kommentarar i chatten. Men for dei som ikkje får høve til å sjå det direkte vil opptaket vere tilgjengeleg for internt bruk i einingane fram til neste webinar ca 1 mnd. Ein treng ikkje melde seg på. Lenkje til sending vert lagt ut her på denne sida i forkant av arrangementet.
Me håpar at dette vil føre til auka kompetanse på området språkforstyrringar og fleirspråklegheit – i tråd med ein av våre hovudsatsingar i «Kompetanseløftet for spesialpedagogikk og inkluderande praksis i Sogn» og «System for styrka læring» sin programplan.
Ta gjerne kontakt med underteikna om de har spørsmål eller kommentarar.
Velkommen!
Med helsing
Ingrid Steine Bortne
Programleiar barnehage- og skuleutvikling
Sogn Regionråd
Tlf 48 25 03 06