Stad: HVL, Sogndal campus. Rom: Hild 1 + 2 i Bragebygget. Sjå kart her: Bragebygget Hild 1, Bragebygget, Campus Sogndal – MazeMap

Tidspunkt: Torsdag 23.april 2026 kl 12.30-15.30

Lunsj: Det blir servert enkel lunsj i klasserommet kl 12.30

Deltakaravgift: Nei, samlinga vert dekka av regionale midlar

Målgruppe: Nyutdanna pedagogar frå barnehage, grunnskule, vidaregåande skular og vaksenopplæring i Sogn som vart ferdig utdanna i 2024 eller 2025 + lokale rettleiarar

Me er klare for ny nettverksamling, og gler oss til å høyre korleis de opplever arbeidskvardagen som nyutdanna pedagogar i Sogn. Evalueringa frå tidlegare samlingar har vore tydeleg på at dei nyutdanna ønska meir av grupperettleiing, deling av erfaringar og drøfting i fellesskap. Det har me difor lagt til rette for. Også denne gongen inviterer me rettleiarar slik at dei kan få jobbe saman med andre rettleiarar i Sogn. Om du er rettleiar utan å ha nyutdanna å rettleie dette året ,er du likevel velkommen til samlinga for å bidra og få påfyll. Me kjem til å ha felles oppstart før me deler oss i grupper: barnehagelærarar, lærarar og rettleiarar kvar for seg.

Program:

12.30- 13.00:      Me et lunsj saman og minglar litt.

13.00- 13.10:      Velkommen og kort informasjon om dagen v/ arrangørane

13.10- 15.00:      Rettleiing i grupper der me nyttar rettleiingsmodell

• Barnehagelærarar
• Lærarar i grunnskule, vidaregåande skule og vaksenopplæring
• Rettleiarar

Gruppene legg inn pausar i rettleiingsøkta når det høver best

15.00- 15.30:      Me samlast i plenum for deling, evaluering og plan for vidare arbeid.

Førebu deg til samlinga ved å tenke gjennom ei utfordring du ynskjer rettleiing på, og lese gjennom vedlegget «Problemrettet veiledning i gruppe» etter modell frå Handal og Lauvås som me vil bruke som mal for rettleiingsøkta denne ettermiddagen:  Problemretta kollegarettleiing i grupper. 

Målet er å bli kjend med andre nyutdanna pedagogar og rettleiarar i Sogn, at me skaper eit fagleg og sosialt nettverk og får inspirasjon og fagleg påfyll i arbeidet som nyutdanna eller rettleiar. Me håpar dette er noko du ynskjer å delta på – du er hjarteleg velkommen!

Ansvarleg for samlinga:

Ingrid Steine Bortne, programleiar ingrid.steine.bortne@sogndal.kommune.no mob: 48 25 03 06.

Påmeldingsfrist: 15.april kl 23.00. Meld frå om evt. allergiar i merknadsfeltet under påmeldinga.

Har du framlegg til tema eller noko du vil dele på samlinga er du hjarteleg velkommen til å ta kontakt!

Beste helsing frå

Evelyn Eggum og Dorthea Sekkingstad                                                  Ingrid Steine Bortne

Kontaktpersonar for tiltaket                                                                      Programleiar barnehage- og skuleutvikling,

«Ny som lærar på Vestlandet», HVL                                                       Sognaregionen