Regionen inviterer til leiarsamling i Skjolden i Luster kommune torsdag 15.-fredag 16.september 2022. Programmet startar torsdag kl 10 og vert avslutta fredag kl 14. Sjølvaste Jan Spurkeland vert med oss heile fredagen med temaet relasjonsleiing. Torsdagen vert det parallelle styrarnettverk/ rektornettverk/ møte i kompetanseregion Sogn (kommunalsjefar/rådgjevarar oppvekst). Det vert også anna fagleg og sosialt opplegg torsdagen før me rundar av med middag og drøs torsdagskvelden. Sjå deltaljert program med informasjon om pris og påmelding her Program leiarsamling i Skjolden 15.-16.09.2022

Her finn  du program for styrarnettverket: Program styrarnettverk 15.09.2022

Her finn du program for rektonettverket: Program rektornettverk 15.09.2022 (vedlegga til møte finn du i eigen e-post sendt 08.09.22)

Her finn du program for «Kompetanseregion Sogn» (kommunalsjefar og rådgjevarar): Innkalling kompetanseregion Sogn 15.09.2022 (vedlegga til møte finn du i eigen e-post sendt 08.09.22)

Me skal bu på ærverdige Skjolden hotel https://www.skjoldenhotel.no/ medan det faglege skal skje på lokalet «Fjordstova» like ved.  Sidan hotellet berre har 40 rom lyt me truleg bu saman to og to. Skriv difor i påmeldingsskjema under feltet «Andre opplysningar» om det er nokon du vil dele rom med. Dersom du ikkje ynskjer overnatting er det fint om du også noterer det. Kan du berre delta ein av dagane må det også presiserast her. Sjå ulike påmeldingsalternativ i vedlegget. Skriv også evt. allergiar i same felt.

Bindande påmelding innan 18.august kl 18. Dersom avmelding skjer etter 24.august vert faktura for valt opphald og servering sendt til den aktuelle kommunen (full pris, ikkje noko subsidiert av regionen). Det kan difor vere lurt å sende ein vara frå arbeidsplassen din i ein slik situasjon. Det er i utgangspunktet eit tak på 80 deltakarar, men me skal sjå kva me får til dersom me blir litt fleire.

Målgruppa er:

-styrarar i barnehage

-rektorar i grunnskule, vidaregåande skule og vaksenopplæring

-kommunalsjefar/rådgjevarar oppvekst

-PPT-leiarar

Dersom det vert ledige plassar vil også assisterande styrarar og inspektørar kunne få tilbod. Det kjem me tilbake til etter at påmeldingsfristen er ute.

Me gler oss til fagleg påfyll og sosialt samkvem i vakre Skjolden!