Velkommen til leiarsamling 19.- 20.september 2023

Les invitasjon og program i vedlegget her: Invitasjon og program for leiarsamling i Myrkdalen 19.-20.09.2023

 

Stad: Myrkdalen hotel, Klypeteigane, 5713 Vossestrand

Tidspunkt: Tysdag 19.september kl 10.00 – onsdag 20.september kl 14.00

Målgruppa: Barnehagestyrarar, ass. styrarar, SFO-leiarar, rektorar og inspektørar/avdelingsleiarar i grunnskule/ VGS/ vaksenopplæring, PPT- leiarar, samarbeidspartar frå HVL og kommunalsjefar/rådgjevarar oppvekst. 1-2 hovudtillitsvalde frå kvar kommune er invitert til å vere med på dag 1 (kl 10-16).

 

Påmeldingsfrist: 21.august kl 18. Bindande påmelding under.

I påmeldinga noterer du evt. allergiar og kva alternativ du vel (sjå prisalternativa under) OBS! Me gjer merksam på at påmeldinga er bindande. Ei evt. avmelding må skje innan tre veker før samlinga. For avmelding etter 28.august vil faktura for valt opphald og servering gå til den aktuelle kommunen (full pris, ikkje noko subsidiert av regionen). Evt. avmelding gjer du på påmeldingssida + e-post til programleiar. Tips: dersom du brått vert forhindra frå å delta kan det vere lurt å sende ein vara frå arbeidsplassen din. Kommunen eller anna arbeidsgivar vil få tilsendt fellesfaktura for sine deltakarar i etterkant av samlinga.

Prisar:

• Alternativ 1: kr 2300,- pr pers i enkeltrom inkl. to dagar med fagleg påfyll, frukost onsdag, lunsj begge dagar, pausemat begge dagar, 3 rettars middag tysdag kveld, teambuilding og underhaldning. (Full pris er kr 3800,- men regionen dekker då kr 1500,- pr. pers.)

 

• Alternativ 2: kr 1400,- pr pers utan overnatting. Dette inkl. to dagar med fagleg påfyll, lunsj begge dagar, pausemat begge dagar, 3 rettars middag tysdag kveld, teambuilding og underhaldning. (Full pris er kr 2390,- men regionen dekker då kr 990,- pr. pers.)

 

• Alternativ 3: kr 1100,- pr pers for ekstra stor dagpakke tysdag inkl. fagleg påfyll, lunsj, pausemat, 3 rettars middag, teambuilding og underhaldning. (Full pris er kr 1850,- men regionen dekker då kr 750,- pr. pers.)

 

• Alternativ 4: Kr 540,- pr pers for dagpakke tysdag inkl. fagleg påfyll, lunsj og pausemat

 

• Alternativ 5: Kr 540,- pr pers for dagpakke onsdag inkl. fagleg påfyll, lunsj og pausemat

 

 

Program for tysdag 19.september:                                                                                       

10:00- 10:30:     Registrering, kaffi/te og småprat

10:30- 11:00:     Velkommen og informasjon v/arrangørgruppa

11:00- 12:00:     «Kunnskapsarbeid i barnehage og skule» v/ Sølvi Lillejord

12:00- 13:00:     2-rettars lunsj

13.00- 16:00:      Framhald: «Kunnskapsarbeid i barnehage og skule» v/ Sølvi Lillejord.  Det blir lagt inn pausar (med ein matbit) og gruppearbeid undervegs.

 

16:20- 18:20:     Felles teambuilding utandørs (hugs klede/sko etter veret). Me blir delt inn i lag på tvers. Dette blir ein gøyal lågterskelaktivitet der alle kan vere med!

20:00:                   Felles 3-rettars middag – lekker meny! Håpar me får ein sosial kveld saman

 

Program for onsdag 20.september:

06:30- 08:20:     Frukost tilgjengeleg i restaurant Nuten

08:30- 12:45:     Parallelle økter: styrarnettverk, rektornettverk og møte i «Kompetanseregion Sogn». Sakliste vert sendt ut frå leiarane av desse nettverka i forkant av samlinga.

Program for rektornettverket finn du her: Program rektornettverk 20.09.2023

NB! Leiarar i barnehage, PPT og kompetanseregionen skal saman delta på ei 3-timars regelverksamling om trygt og godt barnehagemiljø v/ Andrea Andal og Anne-Christin Petterson Boge frå Statsforvaltaren i Vestland kl 8.30-11.30. Etterpå deler ein seg i styrarnettverk og møte for kompetanseregionen fram til kl 12.45. Rektornettverket nyttar heile økta til eiga sakliste (kl 8.30-12.45).

10:00- 10:20:     Pause og utsjekk

11:30- 11:50:     Fruktpause

12:45- 13:00:     Felles avslutning og evaluering

13:00- 14:00:     2-rettars lunsj og vel heim

 

Sølvi Lillejord er professor emeritus ved SLATE, Senter for læringsanalyse, ved Universitetet i Bergen. Ho har vore lærar, rektor og har erfaring frå fylkeskommunen. Tok doktorgrad i 2000, har leia forskarskular og forskingsgrupper og vore instituttleiar, både ved UiB og UiO. Ho har publisert internasjonalt om tema som vurdering, læring og utvikling, skuleleiing, lærarutdanning og lærarprofesjonen. Frå 2013 til 2018 var ho direktør for Kunnskapssenter for utdanning i Norges Forskningsråd. I perioden 2019 til 2021 leia ho Ekspertgruppe for skolebidrag, som leverte to rapportar. Hovudrapporten En skole for vår tid har hatt stor betyding for utviklingsarbeidet i mange kommunar og fylke. Lillejord er ein av to koordinatorar for tilskotsordninga i region Vest. Føredraget Sølvi skal halde for oss i Myrkdalen vil høve for leiarar innan heile oppvekstsektoren.

 

Håpar å treffe deg i Myrkdalen til fagleg og sosialt fellesskap i regionen! Velkommen!

 

Med helsing

 

Ingrid Steine Bortne

Programleiar barnehage- og skuleutvikling

Sogn Regionråd

Tlf 48 25 03 06