Tobii Dynavox og System for styrka læring inviterer til

fagdag om ASK og autisme i ASK-nettverket 01.10.2024

Les invitasjon med program som pdf-fil her: Invitasjon til ASK-nettverk og fagdag ASK og autisme 01.10.2024

Målgruppe: Tilsette i barnehage og skule, PPT-tilsette og andre som finn nettverket/fagdagen relevant. Innhaldet vil vere tilpassa fagpersonar som jobbar med barn og ungdom med autisme, som pp-rådgjevarar og spesialpedagogar.

Stad: Høgskulen på Vestlandet, campus Sogndal. Klasserom 02-04 i 2.etg i Stadionbygget. Sjå kart her: Stadionbygget 02-04, Stadionbygget, Campus Sogndal – MazeMap eller  kart-over-campus-sogndal.jpg (7680×4320) (hvl.no)

Tidspunkt: Tysdag 1.oktober 2024 kl 09.00-15.00.

Deltakaravgift: Nei, kurset vert dekka av regionale utviklingsmidlar innan «Kompetanseløftet»

Lunsj: Ja, enkel lunsj er inkludert

ASK står for alternativ og supplerande kommunikasjon. Barn som heilt eller delvis manglar funksjonell tale, har rett til å bruka ASK, samt få opplæring i å bruka det. Fleire av barna me jobbar med i barnehage og skule har behov for ASK. Målet med ASK-nettverket er at me kan få fagleg påfyll, skapa relasjonar og dela erfaringar i gruppa.

Under denne fagdagen vil me sjå på ulike aspekt av ASK og korleis det kan støtte enkeltpersonar med autismespekterforstyrringar i å uttrykke seg og kommunisere meir effektivt. Det vil bli gitt innsikt i dei nyaste forskingsfunna og beste praksis innan ASK-intervensjonar, samt praktiske verktøy og ressursar som kan brukast i dagleglivet. Bruk av ASK kan hjelpe personar med autisme med å utvikle betre kommunikasjonsevner, redusere frustrasjon og stress i kvardagen, og å bidra til sosial og kognitiv utvikling. Det er difor eit verdifullt verktøy for å forbetre livskvaliteten til denne gruppen. Me ser fram til ein inspirerande dag med fokus på fordelane ved ASK i denne konteksten.

Program:
Kl 09.00- 10.00: Nettverksbygging. Siste nytt. Planar for ASK-nettverket vidare v/ nettverksleiar Lene

Kl 10.00- 11.30:

Introduksjon til ASK og Autisme v/ Maria Andvik Hoaas
Språkutvikling med ASK

Kommunikasjon eller kognisjon: Kva er formålet med symbola?

Kl 11.30- 12.15: Lunsj i HVL-kantina

Kl 12.15-14.45:

Modellering

Talemaskin for barn med Autisme

14.45- 15.00: Oppsummering i plenum og evaluering med QR-kode v/ nettverksleiar Lene

Det blir lagt inn pausar undervegs.

Tobii Dynavox vil bruke sine eigne programvarer og produkt som døme. Kurset vil likevel vere relevant for dei som nyttar andre hjelpemiddel eller som bruker ASK på print.

Føredragshaldar Maria Andvik Hoaas er utdanna logoped og spesialpedagog. Maria har jobba med barn med autisme på fleire arenaer, blant anna i avlastingstenesta, barnehage og i PP-tenesta. Ho starta i Tobii Dynavox som ASK-fagkonsulent i juni 2023 og kom då frå ei stilling som PP-rådgjevar og logoped.

Nettverksansvarleg for samlinga:

Lene Foss Dalaker, Sogn PPT Lene.Foss.Dalaker@sogndal.kommune.no

Påmeldingsfrist: 24.september kl 23. Meld frå om evt. allergiar under merknadsfeltet i påmeldinga.

Velkommen til nettverksamling/fagdag!

Beste helsing frå

Lene Foss Dalaker                                                                   Ingrid Steine Bortne

Nettverksansvarleg                                                                Programleiar barnehage- og skuleutvikling