Stad: Høgskulen på Vestlandet, campus Sogndal. Rom: STA 02-02 i 2.etg i Stadionbygget (i etasjen over kaffibaren) Sjå kart her: Stadionbygget 02-02, Stadionbygget, Campus Sogndal – MazeMap

Tidspunkt: Onsdag 6.mai 2026 kl 09.00-15.00

Målgruppe: Hovudsakleg lærarar på 1.-4.trinn

Lunsj: Enkel lunsj er inkludert. Meld frå om evt. allergiar i påmeldinga

Deltakaravgift: Nei, samlinga vert dekka av regionale midlar

Me er glade for å invitere til ny samling for begynnaropplæring! Takk for gode tilbakemeldingar på innhaldet og organiseringa frå dei to samlingane i fjor. Både nye og gamle deltakarar er velkomne!

Her kan du lese programmet som pdf-fil: Program fagnettverk for begynnaropplæring 06.05.2026

Program:

09.00- 09.15:      Velkommen! Informasjon om dagen og tilbakeblikk til førre samling v/ Edwin Hjelmhaug.

09.15- 09.45:      Lesing, Tid for lesing og ressursar me har laga. Digitalt innlegg ved Monica Gundersen Mitchell, Nasjonalt lesesenter.

09.45- 10.00:      Pause og mingling.

10.00- 11.30:      «Praktisk og meiningsfull matematikk i begynnaropplæringa» – Verkstad med Anne Hjønnevåg Nakken, Matematikksenteret.

I denne verkstaden ser me på korleis praktiske og varierte arbeidsmåtar kan bidra til djupare forståing i matematikk. Gjennom konkrete oppgåver og leikande aktivitetar får deltakarane prøve ut undervisningsopplegg som kan brukast direkte i klasserommet. Saman reflekterer me over korleis undervisninga kan støtte både utviklinga av rekneferdigheiter og elevane si nysgjerrigheit og utforskartrong, samtidig som den opnar for at elevar kan resonnere, forklare, argumentere og samtale om matematikk.

11.30- 12.15:      Enkel lunsj i HVL-kantina.

12.15- 14.45:      Verkstaden held fram.

14.45- 15.00:      Oppsummering av dagen. Kva tek me med oss vidare? Evaluering.

Det vert lagt inn pausar mellom lunsj og avslutning.

NB! Det er viktig at deltakarane er med heile dagen frå kl 9.00-15.00!

Anne Hjønnevåg Nakken jobbar ved Dronning Mauds Minne Høgskole (DMMH) og Matematikksenteret (NTNU). Ho er utdanna sivilingeniør og har i tillegg lektorutdanning i matematikk og engelsk. Gjennom yrkeslivet har ho undervist i matematikk på fleire nivå – frå barnehage og 1. trinn til vidaregåande skule.

I dag jobbar ho med utdanning av barnehagelærarar og utviklar undervisningsressursar retta mot barnehage og grunnskule. Anne har delteke i ei rekke forskings- og kompetanseutviklingsprosjekt i inn- og utland.

Ho har også skreve lærebok, bidrege i utviklinga av styringsdokument for barnehage og skule, og arbeida tett saman med barn, elevar og lærarar. Anne er særleg oppteken av samanhengen mellom barnehage og skule, og brenn for at barn skal få behalde og vidareutvikle si matematikkglede gjennom heile utdanningsløpet.

Verkstad: Praktisk og meiningsfull matematikk i begynnaropplæringa

Korleis kan me legge til rette for matematikkundervisning der fleire elevar får tenke, prøve ut idear og snakke saman om matematikk?

I denne verkstaden ser me på korleis praktiske og varierte arbeidsmåtar kan bidra til djupare forståing i matematikk. Gjennom konkrete oppgåver og leikande aktivitetar får deltakarane prøve ut undervisningsopplegg som kan brukast direkte i klasserommet. Saman reflekterer me over korleis undervisninga kan støtte både utvikling av rekneferdigheiter og elevane si nysgjerrigheit og utforskartrong, samtidig som den opnar for at elevar kan resonnere, forklare, argumentere og samtale om matematikk.

Det vert særleg lagt vekt på korleis matematiske samtalar kan bidra til at fleire elevar engasjerer seg i faget, og korleis elevane sine ulike strategiar og tankar kan bli ein viktig del av læringsarbeidet.

I verkstaden jobbar me med ulike representasjonar – som konkretar, teikningar, symbol og munnleg språk – fordi dette er sentralt for å utvikle ei brei omgrepsforståing. Me ser på korleis rekneferdigheiter, omgrepsforståing og problemløysing kan utviklast i samspel med kvarandre, i tråd med kjerneelementa i læreplanen.

Gjennom døme frå tal, måling og geometri ser me på korleis matematikk kan opplevast som meiningsfull, engasjerande og noko elevane kan forstå og meistre.

Påmeldingsfrist: 22.april kl 23. Meld frå om evt. allergiar i merknadsfeltet.

Nettverksansvarleg:

Gaupne skule v/ Edwin Hjelmhaug edwin.hjelmhaug@luster.kommune.no Tlf: 97 09 85 90.

Ved praktiske spørsmål kan de ta kontakt med programleiar ingrid.steine.bortne@sogndal.kommune.no eller på tlf 48 25 03 06.

Beste helsing frå

Edwin Hjelmhaug                                                         Ingrid Steine Bortne

Nettverksansvarleg                                                       Programleiar barnehage- og skuleutvikling