Næringsreise og rådgjevarnettverk i Vik

19.november inviterte me alle rådgjevarar ved grunnskular og vidaregåande skular i Sogn til nettverk og næringsreise i Vik.

Programmet var innhaldsrikt og spennande! Me starta på Flatbygdi skule med føredrag og presentasjon ved tre lokale bedrifter; Sognekraft v/ Ola Skram, Highsoft v/ Jørgen Tistel og Vik kommune v/ Kristin Hanekam og lærlingane Sissel og Turid. Deretter vart det tid til tre bedriftsbesøk – Vik Ørsta der Leif Arve Voll synte oss rundt , Linn Bad der Linn Grønningen tok oss i mot og Vik fengsel der Bjørn Hegerland fortalde oss det me lurte på om fengselet. Me fekk vite mykje om bedriftene, rekrutteringsmogelegheiter og utfordringar, samt kompetansebehov i framtida. Ungdommen i Sogn har jammen mykje spennande å velgje mellom når dei skal ut i arbeidslivet!

Takk til rågjevarane i Vik, Flatbygdi skule og flotte bedrifter i Vik som baud på seg sjølv og gav oss mange nyttige innspel som me tek med tilbake til skulane våre.

Rådgjevarnettverket i Sogn har regionale nettverksamlingar to gonger i året, i tillegg til større samlingar i regi av Vestland fylkeskommune. I tillegg er det nokre digitale treffpunkt gjennom året. Nytt av dette året var at næringsreisa vart ein del av dette regionale nettverket. Me vil halde fram med å arrangere næringsreise i dei 6 sognekommunane kvar haust framover. Kanskje kjem me til din kommune neste haust?

Her kan du lese meir om programmet og bedriftene:

Arrangørgruppa:

Jarle Flo, rådgjevar ved Sogndal VGS

Christian Kleiven, rådgjevar ved Leikanger ungdomsskule

Svein Hauge, arbeidslivskontakt ved Sogndal VGS

Ingrid Steine Bortne, programleiar «System for styrka læring», Sogn kommunalt oppgåvefellesskap